> الذكريااات // .. يازيـن يوم اني " أنا وانتـي" صغــار...<

~~~~~~~~~~~~~~~~~~

يازين يوم اني أناوانتـي صغـار
توما لبست شماغ وانتـي عبايـه

بالطول ماناصل ولا خمسةاشبـار
دايـم نقيـس اطوالنـا بالمرايـه

مابيننـا شيـن نخبيـه واسـرار
ماغير لعب اطفـال كـل الحكايـه

ماهمنا موجـز ولانشـرةاخبـار
التسليه صـارت وسيلـه وغايـه

وان جا فلم كرتون للقطووالفـار
نجلـس نتابـع قصتـه للنهـايـه

بالمدرسه نزعل على شان الاصفار
انتي سبب لعبك وانا مـن غبايـه

ياما تهاوشنا على كيـس فيشـار
انحاش به وافرح بطـردك ورايـه

وان قلتي يافلان ياويلك من النار
اخاف واستسلـم وابيـن خطايـه

والى ضربتيني تقـل بيننـا ثـار
وان قلت كافي قلتي ماهـوكفايـه

والى خلصتي ضرب بيمين و يسار
اخذتـي الفيشـار واللـي معايـه

والى زعلت وقلت ابا اروح للـدار
صحتي وقلتي اسفـه يـا غلايـه

واصدقك وافرح بعد ذيك الاعـذار
واجيك لا حاقد ولا احمل وشايـه

بس لو اشوفك مع بشرغيري اغار
لوكان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايـه

هـذي طفولتنـا بـراءه وتذكـار
دايم نحـن اليـا ذكرنـا البدايـه

واليوم ابا اكتبها سواليف واشعـار
وافكـر انتجهـا بفلـم وروايــه
~~~~~~~~~~~~~~~~~~~~
0000000